جمعية شباب المبادرة


    رواية حب وعشق وغرام وكره وخيانة وهيام ــــــــــــــــــــــــــــــــــــ

    شاطر

    samado

    المساهمات : 68
    تاريخ التسجيل : 04/11/2009

    رواية حب وعشق وغرام وكره وخيانة وهيام ــــــــــــــــــــــــــــــــــــ

    مُساهمة  samado في الإثنين نوفمبر 09, 2009 12:41 pm

    مشى بنظرات غرور وهو يبتسم على خبال البنات ابتسم لسحر ومشى
    سحر مو مصدقة : وااااااااو روعة يهبل
    سوزان تبتسم : واااااااو سحروه تتوقعين منو هذا
    سحر سرحانة : مدري بس هو كل يوم يمر مدرستنا أكيد يجي لحد
    مشت سحر وسوزان لباص المدرسة وفي داخل الباص
    سارة : اكيد وقفتوا تنتظرونه
    سوزان : اوووه سحر ما تقدر ما تشوفه
    سمر بنعومة وبصوتها المميز : ولا تعرفين عنه شي
    سحر تبتسم : ولا شي
    سحر: عمرها 18 سنة في صف ثالث ثنوي جمالها متوسط احلا ما فيها اخلاقها وادبها عشقانة واحد ما تعرفه
    سوزان: صديقة سحر ومعاها بالصف فيها انانية يوم السعادة مع سحر يوم الضيق ضدها ومالها خلقها جمالها اجمل من سحر بواجد بس إلا يخرب عليها صفاتها
    سارة : صديقة الشلة تموووت على الوناسة والخبال حلوة وناعمة
    سمر : مهما تكلمت لكم عنها ماراح اوفي بالصراحة جمالها جمال ملائكي ناعمة طيبة القلب مررررة وهذا ما يخرب عليها
    وصلوا البنات لبيوتهم ونزلوا
    في ستار بكس
    فهد : ههههههههه
    سعد : والله بديت اشك ان هالبنات ينتظروني كل يوم
    فهد : اووه يا الله بلا تكبر
    سعد : اقول امي تبي تزوجني وانا ما ابي
    فهد : شنوووو ما تبي بتعجز وانت ما تبي
    سعد : شنوووو اعجز توني في شبابي
    سعد : شاب خلوق قلبه ابيض عمره 22ما يحب الحقد وسيممممم بدرجة اولى وفهد صاحبه إلا ما يفارقة
    وفي طاولة ثانية بستار بكس
    فراس : اقول اكرمنا بسكوتك
    متعب وهو يطالع بالبنات : اوووووه خلني اتأمل
    فراس : تتأمل بشنوو والله انك تافه
    متعب : يا حياتي إذا ما تأملت بالبنات أتأمل بمنووو
    فراس : شننووووو تأملني؟؟
    متعب : وع ما باقي إلا انت
    فراس : بالصراحة ملااااك بياضه جماله كل شي فيه بالصراحة ما اعرف اوصفه عمره 21 له منصب ومنصب ابوووه كبيرررر يحب مها
    بلحظات قليلة ويدق جوال فراس
    فراس : الووووو هلا 0000 لو تطلبين عيوني 00000 طيب طيب مع السلامة
    متعب : مها
    فراس : ايه
    متعب : ريح نفسك وتقدم لها
    فراس : راح اكلم امي بالموضوع اليوم
    متعب : اقوووول اذا شفت بنت حلوة لا تنساني
    فراس : وليييه
    متعب : بالصراحة إذا غازلنا وعطونا وجه تكوووون البنت قرف وإذا ما عطتنا وجه اه تطيح من جمالها
    فراس : صدق انك غبي قم قم بس
    متعب : بس لحظة
    فراس يقاطعه : بلاها اللحظة
    بيت أبو بندر
    أم بندر : سمر حبيبتي
    سمر : هلا يمه
    أم بندر : يمه روحين نادين أخوكِ ولبسين لأنا راح نطلع
    سمر : ان شاء الله
    بعد لحظات جا بندر
    بندر : هلا يمه بغتين شي
    أم بندر : ايه بغيتك توديني انا وسمر بيت عمك
    سمر وبندر يناظرن ببعض وبصدمة : شنووووو
    أم بندر : إلا سمعته
    بندر بضيق : ليه شيبون منا
    أم بندر : احنا غلطنا وهم غلطوا ويبون السماح
    حبيت اقووول لكم أن هذي عائلتين منفصلين من زماااان وعائلة ابو بندر متوااضعة ومتوسطة اما عائلة ابو فراس فيها تكبر وفيها تواضع ويسمونهم بطر العائلة من غناهم
    أم بندر : يا الله ماراح توصلنا
    بندر : يا الله انا في السيارة
    بيت أبو فراس
    أبو فراس : سمعين خذين بنتهم سمر لولدي فراس عشان مصلحة العايلة ونرجع الناس ما يسكتون دوم جايبين سيرتنا انا متخالفين وانا ما ابي ابين لهم كذا فخل ولدنا ياخذ بنتهم ونسكتهم ونرتاح
    أم فراس : لا تخاف شوي وهم جاين وبعدين لعيلة نصها جايه
    وبين حافة الصالة كان فراس سرحان وهو يبتسم شلون يقول لأمه عن انه يبي مها
    أبو فراس : يا ولدي فراس يا فراس
    فراس اوتعى من سرحانه : هلا
    أبو فراس : يا الله الحريم ما بقى شي ويجون ماراح تطلع
    فراس : لا انا الحين طالع (ضاق نفس فراس ما يجون إلا لما فكر يفاتح امه بالموضوع)
    بعد ساعات قليلة إلا صالة كلها حريم
    سمر اول مرة تشوف هالوجوه لأنها اول مرة تتعرف عليهم كانت سمر بقمة الأنوثة كانت لابسة ثوب وردي لنص الساق ناعم وعليه عبايتها الكتف وفالة شعرها البني الحرير ولابسة منديل وردي
    أم فراس : هلا والله كيفك أم بندر
    أم بندر : بخير والله
    أم فراس : لا تقوليلي هذي سمر
    أم بندر تبتسم : ايه هذي بنتي سمر
    أم فراس تطالعها : ماشاء الله والله وكبرتي وصرتي عروس
    سمر منزلة راسها وبحيا : مشكورة
    أم فراس : تعالي معي يا بنتي اوريك العيلة
    مشت سمر مع أم فراس وقعدت تعرفها
    أم فراس : هذي فاطمة اختي الصغيرة
    سمر : هلا كيفك فاطمة
    فاطمة : بخير وانتي
    سمر : بخير
    فاطمة خالة فراس ومقربه له مررررره وتمووووت فيه عمرها 23
    أم فراس : وهذي مها
    سمر : هلا بيكِ كيف حالك يا مها
    مها بغرور وبحقد : بخير
    مها بنت مغرورة فراس يموووت عليها وهي حبيبته عمرها 19 راح تعرفونها اكثر من الاجزاء الجاية
    سمر مارتاحت لها بس ابتسمت لها واخذت تبتسم لها من قلبها
    واخذت ام فراس تعرف سمر بلعيلة ***
    فراس :آه يا متعب والله ودي ادخل بيتنا وشوفها
    متعب : خف علينا ما صارت هالمها هاذي
    فراس وهومنصدم وكأنه تذكر شي : متعبوووه نسيت مفاتيحي بالبيت
    متعب : ههههههه روح خذهم (( ويغمز له )) وشوفها
    فاطمة : والله
    سمر : ايه
    فاطمة : يا حليلك يا سمر
    سمر بنعومة : انتي احلا
    فاطمة اندمجت مع سمر بسرعة وحبتها
    دخل فراس البيت وكان لازم يمر بصالة الحريم اخذ يتحمحم عشان يتغطون
    فاطمة : اكيد هذا فراس
    سمر ماعرفت تتغطا ودخل بسرعة ما عرفت تتصرف فتلثمت دخل وهو منزل راسه سمر ما قدرت كان جذااااب وعذاااااب منوووو هذا آه سرحت فيه وشافته رافع راسه وبتسم لبنت بس ماعرفت مين هذي ما هتمت لأنه ذوبها
    بعد ماراح لاحظت ان مو بس هي إلا كانت سرحانه فيه حتى البنات إلا يقربون له بس ابي اعرف ابتسم لميييين وانا شدخلني بكيفه هو حر
    فاطمة : يهووووو لوين وصلتي
    سمر : ها لا ولاشي فاطمة هذا فراس
    فاطمة : ايه
    سمر : ها
    فاطمة : ليه اول مرة تشوفينه
    سمر : يمكن
    بيت أبو نايف
    سحر كانت قاعدة إلا ويدق جوالها
    سحر : الو
    سوزان : هلا
    سحر : هلا والله كيفك
    سوزان : بخير سحرووووه (( وهي تصرخ )) تقدم لي واحد
    سحر مبسوطة لصاحبتها : والله
    سوزان : ايه
    سحر : وانتي شرايك
    سوزان : والله مدري راح افكر
    سحر : اكيد
    سوزان : إلا اقول ذاكرتين لأبلة نعمة
    سحر : ماااااالت عليها ايه
    سوزان : ههههههه والله انها خفيفة دم
    سحر : إلا ثقيلة دم
    سوزان : اقول اقول مع السلامة
    سحر : الله يسلمك
    وفي يوم جديد
    سحر : واااو بنات اليوم راح اشوفه
    سوزان : خبلة شتحبين فيه
    سارة : تخيلين يتقدم لك
    سحر : في الأحلام
    سوزان : اقول سمر وين وصلتي انتي وسرحك
    سمر : لا ولا شي بس ابي اقول لكم اني امس رحت بيت عمي ولقيت فراس ولد عمي آآآآآآآآآآآه ذوبني
    البنات قعدوا يضحكون
    سارة : آخر شي توقعته انك تحبين
    سوزان : وانا بعد
    سحر : معقولة
    سوزان : طالعون هذي ولا تخفف
    سحر : حرام عليك لا تضحكين عليها
    سمر : سوزان خلاص كفي ترا ربي راح يخليكِ مثلها
    سوزان من غير مبالاة : اوووووه فوكنا عاد
    واخيراً دق الجرس إعلان لنهاية الدوام قامت سحر وهي مبسوووطة ولبست عباتها وشيلتها ونقابها وطلعت وبعد ما طلعت كانت تمشي بشويش لنص الطريق إلى الباص بعييد شوي إلا وبسيارة جت وكانت راح تدعمها
    سحر طاحت من الخوف نزل صاحب السيارة
    سعد : انتي بخير
    سحر وهي ذايبه هذا اوهو إيه هذا
    سعد وهو يخلع النظارة الشمسية : اختي فيكِ شي
    سحر : لا ماصار شي
    سعد : سامحيني مشفتك
    سحر وهي ذايبه : لا ماصار شي
    وحست سحر لنفسها ان الباص مشا عنها وانها في الشارع
    سحر وهي قايمة ومصدومة : مشىىىىىىىى عني
    سعد : في شي
    سحر : لا ولا شي بس الباص مشى عني
    سعد : تبيني اوصلك
    سحر وهي متفاجأة وبصراخ : لااااااااااااااااااااااااااااااااااااا
    سعد اخترع شوي : لا ولا يهمك تراني بوصل بنت خالي
    سحر : لا مايحتاج (( وبكذب )) اصلاً بيتنا قريب
    سعد : فوين
    سحر توهقت : هااااااا
    إلا بجية نوف صاحبة صاحبة سحر
    نوف : سحرررررر
    سحر: نوف
    نوف : وشصاير يا سعد
    سعد : لا بس مدري وصدمتها والباص مشى عنها فقلت اوصلها ومب راضية
    نوف : لا ميصير يا سحر تعالين والله سعد انسااان عادي
    وبعد ماقنعوها ركبت مع سعد ها اسمه سعد وتنهدت
    سعد : إلا اقول اختي وين بيتك
    سحر بقهر وانت ماعندك إلا اختي
    سحر : بس امشي قداااام بعدها لف يمين ومشي قداااام وتلاقي بيتي
    سعد يبتسم : ما شاء الله قريب
    سحر منحرجة : ههههه لا بس انا احسه قريب
    نوف : حرام عليكِ بيتك الحين قريب
    بيت أبو فراس
    أم فراس : هلا بشيخ الرجاجيل كيفك
    فراس : بخير يا الغالية وانتي
    أم فراس : بخير ما دامك بخير
    أبو فراس : والله يا ولدي حبينا انا وامك نفاتحك بموضوع
    فراس : تفضلوا
    أبو فراس : والله انك كبرت ما شاء الله وصرت رجاااال ونبيك تكمل نص دينك
    فراس ابتسم وقال في قلبه : اختصروا لي الطريق
    فراس : انا اقول بعد كذا
    أم فراس وهي قايمة : خلاص راح اكلم اهل البنت
    فراس بصدمة : أي بنت
    أم سمر : إلا راح نخطبها لك
    فراس بعصبية : ومنو هذي
    أم فراس : سمر بنت عمك
    فراس منصدم : شنوووووووووووو
    أبو فراس : ماراح تلاقي احسن منها وبعدين زواجك فيه مصلحة لنا ونتقرب منهم
    فراس : اعذرنـ
    إلا أبو فراس يقطعه : لا اعذرني ولا شي امك الحين راح تكلم وغصباً عنك تاخذها وإذا ما خذيتها البيت ما تعرفه ولا انا ابوك ولا انت ولدي
    ومشى وتركني بألم تركني أنزف انا مستحيل آخذ وحدة غير مها
    في بيت ابو بندر
    كانت سمر عازمة صاحباتها
    سحر : اقول بنات
    البنات : هلا
    سحر : ايش رايكم يوم من الايام نطلع مع بعض والله ملل
    سارة : وانتي الصادقة
    سمر : مبرووك سوزان متى الخطبة
    سوزان : والله بدري
    سارة : ههههههههههه
    سحر : إلا آآآآه منه عرفت اسمه
    سارة : منو فارس الاحلام
    سحر : اييييييييييييييييييه اسمه سعدددددددددد
    سارة : هههه تخيلي سحروا لوا انه تقدم لسوزانوه
    سوزان : مستحيل اقبله لأن صاحبتي تحبه لو اموت ولا اقبله
    سارة : اووووووه وش هالصداقة
    سمر : بنات ما جعتون
    سارة : إلا بطني بيموووت من الجوع
    سحر : تعودنا عليكِ أنتِ وبطنك يا اخت خففي الكرشة بانت
    سارة : يووووو شبلاها الكرشة حلوة
    سوزان : لا مو حلوة وبعدين جمال البنت برشاقتها
    سارة : يوووو اقول سوسو طلبين لنا
    سمر : طيب شتبون
    سحر : أي شي عادي
    سوزان : وانتِ كل شي عندك عادي
    سارة : ابي عصير ما نجو بالقطع وابي بيتزا وابي لبنه كبيررررو وابي
    سوزان تقطعها : بس بس حرام عليكِ
    سارة : يا بنت الناس مالك دخل وزني عاجبني
    سوزان : طيب
    سارة : شنو إلا طيب
    سوزان : سحر كم طولك وكم وزنك
    سحر : ليه تسألين
    سوزان : جاوبي
    سحر : طولي 165 ووزني 55
    سوزان : حلووو وانتِ يا سمر
    سمر : طولي 158 ووزني اممممم 44
    سوزان : وانا طولي 160 ووزني 56 (( وبخبث)) وانتِ يا سارة
    سارة بأحراج : ها مالك دخل وزني عاجبني ها
    سوزان : لا مايصير كلنا قلناه بقى انتي
    سارة تناظر فيهم : اقول سمر طلبتين
    البنات : هههههههههه
    واخيراً انتهت السهرة
    مر اسبوع بسرعة وسحر كل ما جا لها تموووت بسعد اكثر وسمر صار عندها فارس احلام وهو فراس وسوزان وافقت ويوم الاربعاء ملكتها لكنها مضايقة شوي
    وفراس متعذب واليوم راح يتقدمون لسمر
    أم بندر : حبيبتي سمر
    سمر : هلا يمة
    أم بندر : تعرفين صرتي عروس وانا ابي افرح فيكِ يا بنتي
    سمر والحيا ما خذها : مو فاهمتك
    أم بندر : تعرفين فراس ولد عمك ما شاء الله عليه صار رجال وهو اليوم متقدم لك وابيكِ تفكرين زين
    سمر ووجها احمر : فراس
    بيت أبو فراس
    فاطمة : والله ان سمر طيبة وحلوة
    فراس والتعب ماخذه : اكرها اكرها لو هي مو موجودة انا الحين لمها
    فاطمة : حراام عليك يا فراس
    فراس : شنو الحرام اهي الحرام وتوافق بعد اكرهاااااا
    إلا بدق جواله
    فراس : الو
    مها تبكي : ليه يا فراس ليه صدقني اني احبك
    فراس بتأثر وانفعال : وانا اكثر بس
    مها تزيد بكاها : بس شنوووو بس شنووووو يا فراس
    فراس : مها والله اني احبك والله
    مها تمسح دموعها : شلي يفيد الله يوفقك
    وسكرت التلفوون بوجه
    فاطمة : مها
    فراس : ايه
    بيت أبو زيد
    سوزان : زيود يا الله قول لي شنووو اسمه
    زيد : يهوووو والله مللتيني اسمه سعد
    سوزان دق قلبها ما تدري ليه
    سوزان : سعد
    زيد : تبين صورته
    سوزان : ياليت
    زيد :بس لحظة
    وبعد دقايق جا ومعاه الصورة
    أول ما اخذتها انصدمت هذا سعد حبيب سحر انا متأكدة انا هذا هو بس بكرا الملكة هههه خير يا طير الله كاتب لي يكون لي آنا مو اهي آه مو مصدقة
    إلا يدق جوالها
    سوزان : الو
    سحر : الو هلا كيفك
    سوزان من غير نفس : هلا بخير
    سحر : في شي
    سوزان : لا سلامتك
    سحر : اقول حبيبتي مبرووووووووووووووووووك
    سوزان : زين صميتي اذني
    سحر : طيب انتي شفتيه
    سوزان : ايه شفت صورته
    سحر : وااااو سوزانوا فرحانه لك ايش اسمه
    سوزان بخوف : هااا اااا اممممم اسمه أي اسمه فهد هذا هو اسمه
    سحر : طيب ليه خايفة
    سوزان : آنا لا مو خايفة بس تعرفين بكرا الملكة فمتوترة شوي
    سحر : ها طيب حبيبتي ما اطول عليكِ مع السلامة
    سوزان : الله يسلمك
    بيت أبو بندر
    بندر : شعليك بتصيرين عروس
    سمر خجلانه : ان شاء الله اشوفك معرس
    بندر يبتسم : لا بدري
    نسيت اعرفكم ببندر بالصراحة بندر شاب وسيم وحلو في شبه من اخته عمره 21 بعمر فراس ويعتبر سمر اكثر من تكون اخته
    سمر : بندر
    بندر : عيونه
    سمر : خايفة
    بندر : من شنووو
    سمر : مدري
    بندر : سمين بالرحمن ولا تخافين من شي
    سمر : أي حبيت اقول لك اليوم خطوبة سوزان ممكن توديني لها
    بندر : طيب بس الساعة كم
    سمر : اممم الساعة سبع
    بندر : طيب
    بيت أبو نايف
    سحر : محمددددددددد يا محمممممممممد
    محمد : نعم نعم (( قطع كلامه لما شاف سحر )) شنووو ها شهالجمال
    سحر : مشكور اقول يا الله تأخرت
    محمد : ما صارت بتاخذ منووو الامير
    سحر : هههه لا بس تقول لي ان اسمه فهد وحلوووو
    محمد : هذا الي يهمكم يا البنات ان يكون حلو
    سحر : لا حرام عليك
    واخيراً راح يدخل سعد على سوزان المتوترة كانت روعة كانت لابسة ثوب تركواز في سلاسل ذهبية وكانت فالة شعرها الطويل وحاطة مكياج مناسب لبشرتها البيضة
    تنقبت سحر وسمر والشلة واخيراً دخل
    إذا عجبتكم بكمل [size=24]عبد الصمد
    avatar
    trabando
    Admin

    المساهمات : 186
    تاريخ التسجيل : 03/11/2009
    العمر : 34

    رد: رواية حب وعشق وغرام وكره وخيانة وهيام ــــــــــــــــــــــــــــــــــــ

    مُساهمة  trabando في الثلاثاء نوفمبر 10, 2009 6:21 am

    واصل عملك وفقك الله

      الوقت/التاريخ الآن هو الثلاثاء يونيو 19, 2018 2:44 am